幸運的扁頭bb

最近最好的朋友都用bb相稱
窩心適合和貼切
一家三口甚至整個家族我都係最細個
即使而家廿幾歲人仔大家都仲係叫我 ''妹妹''
也窩心適合和貼切

雖然唔係正常家庭長大

但從小到大 家人對我呢個扁頭愛護有加
好彩沒有得出公主病來
(嚴重的公主病人從來唔知道自己已經病懵左)

最近幸福幸運的感覺很強很大
媽媽是個急性子, 最近搬家的事幾乎把她弄瘋
有幾次半夜我訓到懵性性既時候
我聽到佢同哥哥講緊要幾$要幾耐要點點點
但妹妹就訓到豬咁樣
錢唔駛我擔心 因為問心我賣身都幫唔到幾多
可以做既就係多同媽媽去睇傢俬揀下呢樣個樣
佢地已經好滿足

外面的朋友覺得我很關心人很搞笑很樂天

但在gaglandbb 當中我真的不算什麼
別人看到的 我好像是從他們身上浸回來的
我跟他們已經不可分割 不像朋友更像家人
因為大家相處幾乎沒有什麼底線
而我是經常覺得他們都很保護我
怕我難受怕我生病怕我迷路怕我無人陪怕我無飯吃
是把大家當bb的看待
跟他們一起幸福感和存在感都很強大
幸運到我很慶幸我是我自己(有d難明呀可 是但啦)

小丸子說:
平時如果有人過來碰我頭髮，
而我沒躲開，說明那人對我很重要，
而且我也很信任那個人，
因為最討厭的就是別人碰我頭髮！
我地成日玩人地d頭髮架
fd到連額頭都玩埋添啦:D

Grow old is compulsory, grow up is optional.

感到自己思想成熟了應該是真的長大了
最近自己與身邊的人發生了一些事
親情友情愛情工作樣樣有
基本上不與性命有關的東西我都好像看得很開, 是好像
我不知是針唔吉到肉唔知痛還是怎樣
我就是覺得沒有什麼大不了
從前我很肉緊的事, 現在只是一件事
一件"下, 是但啦 或者係 咁咁咁咁咪得囉, 有咩所謂?"咁樣既事

我唔知幾時開始我變左個"是但啦咪煩啦就咁啦"既人
我唔係有心去hea過d事
只係我覺得呢d事其實唔駛花咁多精力去諗去解決
小時候既多愁善感真係諗起都哂氣

我講得好複雜好虛無都唔係好知講緊乜
是但啦咪煩啦就咁啦
唔通我將我遇到咩事我朋友遇到咩事我屋企人遇到咩事
逐件逐件打出黎咩
我係呢度自己同自己講野咋嘛

駛乜你明?

另一個成長的証據就是...我唔會再擺下面個鋪士影相

世上怪事有夠多

如果做一件事 明知自己冇盡過力
明知自己付出唔夠/冇付出過
即使失敗 正常反應應該係無話可說

其實仲可以講d咩呢?
怪人唔俾機會 怪人賤怪人狗
周圍同人講自己有幾慘
然後要怪自己運氣唔好
哎~運氣呀運氣
你真係好慘 人地都唔知要講幾耐
話運氣你真係衰呀!

盡過力而失敗已經唔見得光彩
更何況冇付出然後失敗?
有同人分享既必要咩?

不過如果你同人分享完/ 鬧完你既運氣之後
你心情係有好轉而又心安理得既
你真係可以keep going, go ahead!

呢d情況除左自責同憎到自己死之外
應該冇第2 d野可以做
呀~有既, 就係盡可能唔好比自己再有呢種咁差既感覺

如果你只相信運氣 咁我祝你good luck一輩子
同埋如果你咁信運氣 我希望你唔會鬧走佢

舒服哂..

呢番說話我只可以同月亮講