粗口我只對自己說

願望是有天睜開眼睛就沒有近視
戴con好煩戴眼鏡好煩
我好煩睇唔清楚野好煩
返香港即刻做Laser 希望幫到我

有時候以為自己都幾醒 只係我以為
我醒你條命 以為自己係邊個?
除了on9 就只有on9
周瑞欣是難以置信的on9
雖然好少講粗口 但我決心戒粗口
講埋呢句 diu
......
diu!

1st oct 1 year ago


http://www.youtube.com/watch?v=_SUeB1Oe4nU

每個人心中的伊莎貝拉

左邊的女孩叫 Isabella Coraça
她比我遲入職 但她有更好的工作辭職了
她有點像天使
她是我見過最愛笑最可愛最cheeful
最吸引人最討人喜歡的女孩
哇~~那殺死人的笑容
跟她一起就有快樂
她令我知道一個女孩的討人喜歡程度可以如此的高
她也感染了我 工作時我們就像孖寶
我最喜歡看到她 跟她說句話也特別高興
老闆同事當然都很愛她 他的男朋友更是無話可說

她是寶貝 所有人的寶貝
懂她的人是一定會把她寵著疼著珍惜著

她的性格可能是所有人最理想的最高境界
也可能每個人心中都有不同的伊莎貝拉

看著這些畫面
我笑著 但原來看的人未必會笑

看來我當伊莎貝拉不夠稱職
因為我不那麼可愛
這一下真的打到心裡去

http://www.youtube.com/watch?v=dQAbfNzy_UA

十月飛霜

天氣已經很冷
聽說倫敦今年十月會下雪
神經病

我不夠衣服
我不夠      

倫敦的宅女

一整天沒有出門口
好爽好enjoy
有電腦電話有得上網宅多幾日都無問題
宅女萬歲萬歲萬萬歲!!:D
全日睇戲睇片
睇綜藝節目覺得自己痴痴地線-_-
我真係會笑到大聲笑出黎
又會打大脾同笑到標眼淚-__-
真係有咁誇張-_____-
因為每次大笑完我都頂自己唔順
都唔知做咩笑到咁-____-
以前聽到媽媽係廳睇電視成日大笑
我都覺得佢傻傻地-____-原來我都係咁..........-_-
都無壞既~~歡樂嘛 :D
証明好多綜藝節目都好成功因為我笑左一日-_-

做人順其自然好 隨心而行好
但都有一定既限制
睇睇會有咩後果影響到咩人
唔能夠太飄忽太自由
適當既自由係輕鬆係型 過多既自由係會有少少不付責任
想人對你好 首先你一定要對人好
唔想人地傷害你都一定唔可以可傷害人
雖然人人價值觀唔同 但總不會差太遠
做一d自己都可能覺得有少少過火既野個時
諗下如果對方做同樣既野你接唔接受到
即使有少少接受唔到都唔好做
少少接受唔到都係接受唔到
受左既傷同講左出黎既說話一樣
They can be only forgiven, not forgotten.
就係咁簡單咋嘛 :)

有關撞板

聰明的人見人撞板都知道痛
識得係人地既錯誤中學習
唔使自己做錯過已經可以練精

我唔係聰明人
好想從人地錯誤中學習
但我又死蠢
要自己轟轟烈烈撞一次先夠深刻
唔緊張到標汗都唔識精
希望板唔好白撞 汗唔好白流
仍然相信每一次難堪 難過 難受
經歷每一件開心唔開心既事
都可以令自己成長令自己成為更好既人

我老細 其實我無當佢係manager
佢好似一個大佬 一個哥哥?
係佢身上可以學到野 實質係咩我講唔出
每一次傾計都好似有野袋到落袋
雖然佢得31歲 但佢接觸過好多唔同既野
好似識好多我唔知道既野
佢對我呢個元朗呀妹都好照顧
係外國做野始終唔會香港
習慣唔同語言唔同
初初有野做得唔好佢都會開口話我
但就一定會教返我
成日叫我呀囡呀囡
下個星期佢就升職去第2度
呀~~~好唔捨得佢呀
不過佢幾年後可能會返香港做生意
到時就元朗宵夜見啦 :)

保持心境開朗真係任何事都順利d
覺得自己係最幸運既人就會發生幸運既事
越黎越明確搵到真實既自己
原來我骨子裡係一個樂天既人
感覺好快樂:)
咁樣講好似好奇怪 因為我唔了解自己...
又打野打到一忽忽又唔知up緊乜
唔緊要~~我明我開心咪得囉yeahhhhh
仲好想唱歌~~
oh darling darling stand~by me
ohhhhhh stand~ by me
yeahhhhhhhhh :D

Another favor song
http://www.youtube.com/watch?v=DtXr0pIRSg4&list=TLO7JBbUa0Rts&shuffle=511

愛聽不愛唱

一個人的時候是一定要有歌的
即使知道10分鐘後就會離開屋企
個十分鐘都要播住歌
出街ipod無電比起電話無電更慘
夜晚經已訓左上床
諗起ipod未义電 都要爬起身插條電線
是很愛聽歌 但因為唱得都很難聽
我都不會唱歌
我的歌聲大概只有屋企厠所花灑有印象

很欣賞人地用好多好多時間寫一首歌
然後聽一次就好中意又覺得歌詞寫得好鬼好
d歌詞呢, 以前icq呀msn status都梗會有一兩句個d懶感性呢
人仔細細就扮哂世事已被我看透個d呀
而家大個咪放係心同埋唱比花灑聽囉 :D
就好似好中意去戲院睇戲
人地幾百個叻人, 幾大粒既名星
用好多好多時間心機去拍一套戲
以前細個跟oj剪片
剪一段5分鐘既mv都唔知用左我幾多時間-_-
所以俾幾十蚊睇一套好戲真係抵到爛

er....好似講緊聽歌呀可

聽歌會諗起唔同既人事
可能因為歌詞
因為聽既地方
因為聽既時間
然後我諗起既通常都會係笑事
不是大笑 但每次諗起都會微笑既事
所以聽歌真係好開心架 :D
我想講我真係好中意聽歌
周杰倫同我同姓都真係有3分親
佢大部份既歌我都覺得好聽
同埋都會諗起你 :) (shyshy樣)

還有最近都很喜歡他
http://www.youtube.com/watch?v=nPvuNsRccVw

送一張自戀自拍照給自己
紀錄這時候比較好樣的自己

下下都咁上心把托呀?

心靈很不穩定的2個月
情緒波動很大 進退有點失據
該信什麼? 該做什麼?
不是小孩了
決定的事要自己承受風險
內心的事要自己調節整理
凡不是自己可以控制的事都只有睇開d
下下都咁上心把托呀?
咁易受人影響點做得人成呀?

其實已經好有進步
如果係以前既自己我都唔敢想像處理方法會差到咩地步
生氣或難過的時候至少等1分鐘才說話
可以避免粗口橫飛 冷靜過後就會發現呢1分鐘係幾咁偉大
問自己咁激動做咩者?~~ 看破啦施主

當事情變成理所當然

沒有東西是理所當然的
背後總有原因
當你覺得事情是理所當然的時候
你不會去珍惜, 因為你覺得係應份既
當不去珍惜, 很可能會失去

凡事不要視作理所當然
如果覺得事情已經變成理所當然
那請珍惜所有的理所當然

對別人的感覺留一線

你唔係個個人, 你永遠唔知佢諗緊咩
感覺就係感覺, 永遠無對錯
就好似我話好攰, 你又話好攰
你無得話你一定比我攰

因為呢個係人既感覺
你點知我唔夠你攰?
你以為你踩左8個鐘單車, 我只係踩6個鐘
我就一定一定無你咁辛苦

你又點知我踩6個鐘單車之前, 去跑左2個鐘步?
又可能你踩8個鐘之前, 原來行左個山?

講到底好多野都無得比較
唔好評論 估計 猜測人既感覺

感覺純粹係個人對一樣野/一個時刻既反應/ 知覺

完, 拜拜

有d野係要自己試過先知架

人地講你好似明 但唔試過係真係唔知
老遠來到這裡 是為了(working?) holiday
有老朋友照住 好多野都有人指點
好多野黎之前都已經知道
其實生活要自己一步一步去適應
靠自己去克服看似好小事(但其實自己做 會淆底)既事
真係有少少壓力

好幸運 依然好幸運
狂send email 搵工, online搵真係一d用都無
開始出街派CV, 周圍問下請唔請人
14號interview call
16號見工 17號offer call
"hey jojo, This is Kenji from MUJI....."
完全係high到想同佢講句i love you

要講下呢個store manager
interview 歷時45分鐘
基本上全程斎嗡excellent customer service
in完啦 走得~佢突然用ABC tone話"""其實我都係香港人"""
...................-________________-
驚訝程度爆左錶
我   一   直   以   為   佢   係   日   本   人   !
佢有一副完全日本面孔
操極度流利英文
我以為佢係英國長大既日本人......................................
認親認戚之後 傾左好耐計
佢話: 其實我上年都有返香港屋企呀
我話: 咁你係香港住邊呀?
.
.
.
.
.
佢話: 我住元朗
-____________________________________-
真係世界真細diu diu diu 真係小到好鬼奇妙

十幾個鐘飛機黎到London, CV周街派
有無咁橋第一個interview既manager係香港人
仲要住元朗!


Anyway, 好好好好好多謝佢請我
第日返元朗 妙舒buffet我既:D
有工做個心安定好多:)

缺乏安全感的急性子

終於來到了倫敦 是人生最長的Annual Leave

經歷30小時的折騰來到這裡
很累很累 我個人無乜安全感
自己一個人既時候我盡可能都保持清醒

超過2日時間沒有真正休息 感冒沒有完全康復

碰上來得不合時的姨媽 真的差一點點把我迫瘋
背著石頭背包 拖著24kg 行李
幸好看到了新朋友Ivana 是可以讓我安心的人
再看到了Ada 是很高興 但那時候虛脫大於一切
我沒有很仔細看看四周環境 連回家的路也看不清
沒有眼鏡沒有精神沒有氣力 扮精神跟Roberto聊了2句
他走後就只有2個女孩的房間 就像在香港她的家一樣
我可以好好的睡一覺 即使只熟睡了4小時
但還好有她在

來了幾天 是Jetlag嗎?

每天只睡幾小時 頭痛纏身 渾身不妥
我的媽呀! 快好過來
是沖了2晚凍水涼之過又感冒了

幾天到了不少地方 發現英國賣藝的人很多
大多都很精彩 走在街上不會悶
有很多不同種族的人在這裡工作和旅遊
所以很快可以感覺到自己是其中一份子

其實我預計自己頭一個月的身份是旅客
但我看到喜歡的也不敢買 怕錢很快就花光
雖然是沒有什麼好怕 但有工作才消費比較心安理得
急性子很想快快找到工作
但我知道自己跟本沒有理由去急
因為我來正職是放假 副職才是工作 急什麼?
來的時候自己定了幾個目標
其中一個是慢慢來 係香港行步路都快過人
好似分分秒秒都係度追西鐵個種快
而家要好好練習慢慢來 慢~~慢~~來~~~
好好感受生活大於一切

吃了令人行屍走肉的感冒藥
頭腦不能正常運作 不知道打了什麼
是但啦 好眼訓咯

Late at night when all the world is sleeping, i stay up and think of you.

在一個人的家 倫敦時間 03:58am 23 April 2013

會笑的人依然會笑

早在心底裡對身邊的人有性格分析圖
那是長久以來和大家相處得出來的
是根深柢固的 不易改變
人有優點缺點 愈親近的人
會愈欣賞優點 也愈了解缺點
了解愈深包容更大 因為早知呢個人係咁架啦
大多數時間都會對缺點一笑置之
那可以說是包容 即係~佢on9架嘛咪理9佢啦
是親切的表現 我明白

我在別人心目中應該也有根深柢固的形象
這也是不易改變的 是怎樣大家也心裡明白
不用多說

然後發現想多了說多了的是我
想怎樣就怎樣 不必介意
都廿幾歲人 我就是不夠我行我素
太易動搖 太在意在別人心中的自己
反正根深柢固的都不能改變
是好的也是好 是壊的也不介意繼續
門面說話心底想法全部放在心裡

我想話我其中一個缺點係諗得太x多
無架~包容啦 我on9架嘛咪理9我啦
然後難聽 有double meaning的話
我也不經意放在心裡
變成根深柢固的 不易改變

呼~無事發生呀
所有野係我自己諗出黎 無事發生過
咪理9我啦

連我也不知道的事

有些事情連我也搞不清
我好害怕帶麻煩比身邊既人
是很怕很怕
有時候我寧願自己做多10 steps去完成一件事
都唔想麻煩人地幫我做1個step
好硬頸 我知我係好硬頸
但我就係咁 呀媽生成既
我更加害怕我無意傷害左人自己唔知
如果我知道人地因為我既任何野而難過
我真係會難過到想死

唔想人地難過?
可能只係自私地唔想見到人難過而自己難過到死
又好混亂呀可? 我都唔知諗緊咩野
有點煩 有點亂
自己的事自己做 自己的責任自己負
做好每一個自己 努力做好只令人笑既自己

一世死好命

病了一場 感冒發燒
食2粒藥 bill哂汗訓到傻下傻下
聽到腳步聲來來回回
媽媽像電視的護士 也把我當成醫生不斷抹汗
不斷摸我頭看看退燒了沒
訓覺前吩咐夜鬼哥哥隔個鐘去睇下個妹
已經去到兩打既年紀 媽媽都仲當我一打咁大
我媽當年係我呢個年紀已經連我都生埋
我生於單親?/ 比單親更壞的家庭
媽媽成為女強人 我真係認為無人比我媽更厲害
媽媽係人地面前大大聲 從來都係大家姐咁款
連我嬌嬌婆婆都要乖乖地聽佢支笛
呢個世界食得住佢既人大概只有我同哥哥

我地呢個屋企從來都唔講 更加唔會做肉麻野
因為個個都硬頸個個都要面
但大家有多重要心裡非常明白
快要離開一陣子 媽媽近期竟然經常話唔捨得我
每次都唔識應對添......
其實我好快就返黎啦:)

凌晨四點 流左好多汗 燒也退了
好肚餓 起身見到雪櫃有碟香菇滑雞腸
想起了由0變成1的過程
一件事由完全無諗過會發生
無諗過既程度就好似..
你唔會諗你有一日真係會發達個種無諗過
然後有一日你發覺自己真係發左達
第一件事係接受唔到 以為比人整古
第二件事係想連舊錢都唔鬼要 將舊錢放埋一邊
睇下舊錢會唔會識自己行入你個袋
我都諗唔到更好既例子去形容呢種令人難以置信既程度
有幾難以置信都好 總有理由去令你相信
然後我發現自己從來無試過咁肯定咁相信一件事
好似好複雜既事 當發生左之後 又發現可以好簡單
我就係一世死好命
今晚我在人生三個最重要的人身邊病好 係三個
是從來沒有肯定過的肯定

事業心不重

浮浮沉沉來到2013 越大越不想時間白白走過
覺得應該襯有心力也有精力的年紀 去做更多令自己不會忘記的事
又好飄渺呀可? 叫我呀飄啦

有時候返工很有滿足感 因為當你努力去做好每一件大事小事
即使無人特別欣賞, 客人都係求其笑下唔該下你
但你自知你已經做得好好睇睇好交帶就好足夠
銀行工我唔抗拒, 但又未到好鐘意
夠穩定已經足夠令人打死一世銀行工
其實越做越唔知係咪應該繼續做 因為繼續做咪就係做一世囉

朋友又會問, 你唔係想做空姐既咩?
問心都唔知為咩想做 當初都係少女心態作怪
又唔知大個做咩好 又係少女既理想職業
其實有過offer, 但因為唔係心儀既公司所以無做
有時會諗如果我做緊會點?

哈哈, 可能好快resign 因為我係呀姨唔係少女喇

工作在2013對我不重要 因為佔的時間不多
應唔應該繼續揸住個鐵飯碗 或者揸過第2個飯兜可以容後再諗
但容後真係要好認真諗諗-_-
雖然我無事業心 但係如果我嫁唔出就要靠自己架喇-_-