今天好心情

大概從2月開始我每晚發夢
而且無個好夢
被追被斬被殺被出賣
每晚都發呢D令人流汗扎醒既夢
真係令人好沮喪
琴晚極度想嘔又嘔唔出
3點都訓唔q著 好鬼嬲
但出奇地竟然發到個令我開心既夢
真係晚晚發類似既夢我都制
今日起身好開心 好開心!!!

過去可能做過d好荒唐好青春好無知既事
但因為呢d經歷會令你自己成長
通常呢d不付責任不顧後果既時期係最開心
會好懷念會好想笑 15-25是我最珍惜的十年
真心好感激自己遇見既所有事
好的壞的 而家諗返都變成最好最開心既事

英國生活8個月是我非常重要的時間
雖然除左自身成長見識多左之外 無一方面有好既影響
但過去了 無法改變亦不想改變
回家看見家人老了 就不想再離家太久太遠
8個月我經歷過自己好開心 自己呢埋喊既時間
不重要了 成為過去
第日諗返都係會變成令人懷念的事
首先懷念呢份2.75磅的三文治
每星期吃至少2-3次 最好吃的口味 :)
極度後悔最後一日係機場無再買一份黎食

Treasure

Someone told me that
it's all about treasure.

https://www.youtube.com/watch?v=ULcmgv837MQ

不自主的程度

身體變化大也漸差
不合理的輕重減輕
口味古怪 只會對少數食物有興趣
然後放左落口 我唔想吞 我想吐返出黎
只有午餐比較可以正常進食
想食杯雪糕? 偷食魚生? 你未死過?
嘔吐次數他媽的增加
朝早空肚作嘔成為每日想死既理由
得出很多黃膽水
對所有交通工具都有不良反應
只是程度有深淺
遇到玩野的士司機情況更為嚴重
最信得過係自己對腳
不過距離有多大的限制你可想而知

諗住搵到份工為自己做返少少野
賺返2個錢交學生貸款交保費
順便打發時間咪令自己諗咁多
返工時間好老闆好人工都好
我連坐私家車都嘔
咁你話呢?

睡眠時間長到自己都驚
唔好誤會喎你訓得耐咋
但你訓得唔好架
因為每分鐘都想嘔
任何姿勢都係唔舒服
凌晨起身嘔咁點呀
咪坐係度喊囉 喊喊下唔想嘔咪訓囉
唔好話身體 連情緒都唔到我控制
好多野我唔知點解 連我自己都解釋唔到
本來唔算係痴身黏貼型但而家可能有一定程度依賴

然而我想做咩都做唔到 睇書都暈
人生在世我仲可以做d咩 做d咩我會舒服d?
我想做咩都做唔好 只為他人帶來麻煩不安
我連我自身都控制唔好照顧唔到 
我仲可以點 所有角色都做唔好
想像下我對呢種人生可以抱住一個幾積極樂觀既態度
所有野我都控制唔到 包括我既身體 我既情緒
What can i do when my good isn't good enough?

God only makes happy ending.
if it is not happy, it is not the end.

不理智的程度

友人問我是否想用一個人去留住一個人
我很驚訝原來人們覺得我這種想法
人類該有的尊嚴和底線我是有的
不得不承認我有把底線再三調低
但那條線仍然存在
尊嚴我是拼死要守著的
要我捨棄尊嚴不如直接殺左我

再理智想想 我沒有資格的
我這個人的自身對別人跟本起不了威脅的作用
憑什麼用一個更加沒有威脅的人去留住一個人
如果我有這種想法真是太弱智
這個行為在3個人當中對我是最沒有好處的

說到底線
如果我沒有將它重新調教 是不會出現今天的狀況
只要我把9月寫的一封信寄出
說過去都是很無謂的
因為已經過去 從來沒有回頭路
但學到的是 底線是底線 只有一條
意思是那條已經是最底的線
是沒有調低的空間
只要調低 問題接踵而來
也是苦了別人苦了自己
底線________________

上天給什麼我要什麼

事情發生了
所有結果都不是我想要的 是所有
大家最想的是時光倒流
但從來都無呢支歌仔唱

開心既時候唔好作出任何承諾
唔開心既時候亦唔好做任何決定
因為兩者都極度不冷靜
最後苦了別人苦了自己

現在唯一的責任是快樂起來
壞情緒總係可以傳染得好快
我唔想傳染人亦唔想被傳染

一切盡力而為 上天給什麼我要什麼
樂觀面對總有出路
來笑一個 笑~~~~

http://www.youtube.com/watch?v=59TrrF8lzKs